20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Որ ասում եմ՝ ժողովուրդ, պահանջեք, դա քաղաքացիական անհնազանդությո՞ւն է․ Մարուքյանը՝ Բեղլոյանին. ՏԵՍԱՆՅՈՒԹ
Քաղաքականություն
29.04.2020 | 14:38
Եթե ես իմ դրամապանակում ունեմ 1.000 դրամ, որից արդեն իսկ զանգահարելով՝ պատվիրել եմ 800 դրամի ապրանք խանութից, դա չի նշանակում, որ ես ունեմ 1.000 դրամ, դա նշանակում է, որ ունեմ 200 դրամ։ Չի կարելի ինձնից պահանջել այդ 1.000 դրամը, քանի որ այն արդեն պարտավորություններով է սահմանափակված։ Այս օրինակով այսօր Ազգային ժողովի արտահերթ նիստում «Իմ քայլը» պատգամավոր Անուշ Բեղլոյանը փորձեց ներկայացնել «Լուսավոր Հայաստան» խմբակցության պատգամավոր Էդմոն Մարուքյանի՝ քաղաքացիներին 100 հազար դրամ բաժանելու առաջարկի անհնարինությունը։
«Այն ելույթներում, որոնք ունեցավ պարոն Մարուքյանը, ես տեսա շատ վտանգավոր միտում։ Նա հրահրում է սոցիալական և քաղաքացիական անկայություն՝ ասելով՝ քաղաքացինե՛ր, այնտեղ փող կա, գնացեք, հետևեք, պահանջեք, վերցրեք։ Շատ վտանգավոր է և անազնիվ»,- նշեց պատգամավորը։
Ավելի ուշ Մարուքյանն իր ելույթում անդրադարձավ Բեղլոյանի այս պնդումներին:
«Երբ մարդկանց փողերը հավաքել եք, դրել Կենտրոնական բանկում, ու չեք ուզում իրենց աջակցեք, ես ասում եմ՝ աջակցեք, ու էլի չեք ուզում, պետք ա ջղայնանաք, նորմալ ա։ Բայց էդտեղ մանիպուլյացիա չկա, դա մեր ժողովրդի փողն ա։ Որտե՞ղ է էստեղ քաղաքացիական անհնազանդությունը։ Բա չպահանջե՞ն, 5 հազար հոգու գազ ու լույս եք անջատել, էրեխեքը սովի են մատնվել, չպահանջե՞ն։ Էդ ո՞վ է քաղաքացիական անհնազանդություն արել իմ կոչով։ Բա ո՞ւմից պահանջեն, իշխանությունից պիտի պահանջեն։ Պատրաստ չե՞ք լինել իշխանություն, ասեք՝պատրաստ չենք»,- հայտարարեց Մարուքյանը։
Մանրամասները՝ տեսանյութում։
