10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Լրագրողներին և բողոքող ուսանողներին «տուն ուղարկելուց» հետո՝ Աժ-ում չեղարկված նիստն անցկացվեց
Քաղաքականություն
10.11.2017 | 22:11
Թեև ԱԺ պաշտպանության և անվտանգության հարցերի մշտական հանձնաժողովի անդամ, ՀՀԿ խմբակցության պատգամավոր Ալիկ Սարգսյանը այսօր հայտարարեց, որ քվորում չլինելու պատճառով հանձնաժողովի այսօրվա նիստը կկայանա երկուշաբթի, սակայն հանձնաժողովը նշանակված ժամից՝ 18:00-ից երեք ժամ անց արտահերթ նիստ է անցկացնում: Փաստորեն՝ լրագրողներին, եւ ամենակարեւորը՝ ԱԺ դարպասների մոտ բողոքի ակցիա անցկացնող դասադուլավոր ուսանողներին, որոնք ցանկանում էին մասնակցել նիստին՝ ՙտուն ուղարկեցին՚ , ապա սկսեցին քննարկումը: Նշենք, որ ուսանողներն այս մասին տեղեկանալով՝ վերադարձել են եւ այժմ ԱԺ դիմաց են: Նրանք փորձեցին Աժ դարպասներին փակցնել ՙտարկետում լինելու է՚ գրությամբ պաստառ, ինչը ոստիկանները թույլ չտվեցին՝ պնդելով, որ դա անօրինական է: Այդ ընթացքում որոշ լարվածություն եւ քաշքշոց եղավ ոստիկանների եւ ցուցարարների միջեւ, ինչից հետո ոստիկանների հրամանատարը կարճ զրույց ունեցավ ուսանողների հետ, եւ նրանք պայմանավորվեցին պաստառը հանելու շուրջ:
