04.02.2026 | 12:52
Ցմահ դատապարտյալների համար ևս ավելի կդյուրացվի պայմանական վաղաժամկետ ազատարձակման ինստիտուտը. Գալյան․ ՏԵՍԱՆՅՈՒԹ
Վաշինգտոնում հայերի, քրդերի ու ասորիների վրա էրդողանամետ խմբավորման հարձակման առնչությամբ Պետդեպարտամենտ է կանչվել Թուրքիայի դեսպանը
Քաղաքականություն
19.05.2017 | 18:21
ԱՄՆ-ում Թուրքիայի դեսպանը կանչվել է Պետդեպարտամենտ՝ Վաշինգտոնում Թուրքիայի դեսպանատան մոտակայքում տեղի ունեցած ծեծկռտուքի առնչությամբ. տեղեկացնում է Associated Press-ը:
Հիշեցնենք, որ Թուրքիայի նախագահ Ռեջեփ Թայիփ Էրդողանի՝ ԱՄՆ կատարած պաշտոնական այցի դեմ բողոքարկող խաղաղ ցուցարարների վրա էրդողանամետ խումբը հարձակում էր իրականացնել։ Ցույցը կազմակերպվել էր Հայ դատի հանձնախմբի ու և ԱՄՆ-ում հելլենական խորհրդի կողմից։ Ցույցին մասնակցել էին հայ, հույն, քուրդ, ասորական համայնքների ներկայացուցիչներ։
Միջադեպին անմիջապես հետևեց ԱՄՆ սենատորների հայտարարությունը, որով պահանջում էին, որ Թուրքին ներողություն խնդրի կատարվածի համար։
ԱՄՆ-ում Թուրքիայի դեսպան Սերդար Կիլիչի հետ հանդիպել է Միացյալ Նահանգների բարձրաստիճան երկրորդ դիվանագետը՝ իր մտահոգությունը փոխանցելով Թուրքիայի նախագահի թիկնապահների կողմից իրականացված բռնությունների վերաբերյալ:
