25.11.2024 | 17:33
Ալեն Սիմոնյան-Հովիկ Աղազարյան հանդիպումը տեղի չի ունեցել
Սենատորները Թուրքիայից պահանջել են անմիջապես ներողություն խնդրել Վաշինգտոնում հայ, քուրդ, ասորի ցուցարարների վրա հարձակում գործելու համար
Քաղաքականություն
18.05.2017 | 11:07
ԱՄՆ Սենատի Հանրապետական ներկայացուցիչներ` Մարկո Ռուբիոն, Թեդ Քրուզը, Թոմ Քոթոնն ու Մայքլ Լին Թուրքիայից պահանջել են, որ ներողություն խնդրի Վաշինգտոնում տեղի ունեցած միջադեպի առնչությամբ, երբ անվտանգության թուրք աշխատակիցները հարձակվել էին խաղաղ ցուցարարների վրա. հաղորդում է The Hill-ը:
Հիշեցնենք, որ ԱՄՆ մայրաքաղաք Վաշինգտոնում Թուրքիայի դեսպանի նստավայրի մոտ Ռեջեփ Թայիփ Էրդողանի` ԱՄՆ այցի դեմ բողոքող խաղաղ ցուցարարների վրա հարձակում էր գործել էրդողանամետ խումբը:
«Այդ տեսակ բռնություն ԱՄՆ-ի մայրաքաղաքում երբեք չէիք կարող ակնկալել։ Նմանատիպ բռնություն հատուկ է միայն Էրդողանի Թուրքիային կամ մեկ այլ բռնապետության»,- ասել էր ԱՄՆ Հայ դատի հանձնախմբի (ANCA) գործադիր տնօրեն Արամ Համբարյանը՝ հավելելով․ «Սա անհանդուրժողականության այն տեսակն է, որ հատուկ է միայն Թուրքիան և այժմ էլ ներմուծվել է Միացյալ Նահանգներ»։
«Մենք խստորեն դատապարտում ենք երեկ Վաշինգտոնում Թուրքիայի դեսպանատան մոտ տեղի ունեցած բռնությունը»,- ասել են սենատորները:
«Ռեպորտաժում հստակ երևում է, որ որոշ թուրք պաշտոնյաներ ևս ներգրավված են եղել ցուցարարների նկատմամբ բռնություն գործադրելու միջադեպին, ինչը ոտնահարում է ժողովրդավարության սկզբունքները և ընդդիմանում Միացյալ Նահանգների հիմնարար արժեքին` ազատ խոսքի իրավունքին, որն ամփոփված է մեր Սահմանադրությունում: Մենք կոչ ենք անում թուրքական կառավարությանը անմիջապես ներողություն խնդրել»,- ասված է սենատորների հայտարարության մեջ:
