30.08.2026 | 17:46
Էկոպարեկները ուժեղացրել են հսկողությունը որսի օրինականության նկատմամբ
«Հորդորում եմ Ձեր տեղն իմանալ, ձեր աթոռին վերաբերմունքով մոտենալ»․ Թեհմինա Վարդանյանը՝ Հայկ Մարությանին. ՏԵՍԱՆՅՈՒԹ
Տեսանյութեր
28.04.2020 | 18:27
Պարո՛ն քաղաքապետ, այն, որ Դուք հատուկ ունակություն ունեք՝ հարցերից խուսափելու, դա արդեն չենք քննարկում, բայց որ այնքան կընկնեք, որ տղամարդուն կնոջ տեղ կդնեք, սա, կարծում եմ, չափն անցնել է՝ 3 պլյուսով։ Ի՞նչ է նշանակում «աղջիկները երևի մի բան չեն կիսել»։ Այս մասին այսօր Երևանի քաղաքապետի, թաղապետերի ու ավագանու անդամների հարցուպատասխանի ընթացքում նշեց ավագանու «Լույս» խմբակցության անդամ Թեհմինա Վարդանյանը՝ անդրադառնալով քաղաքապետ Հայկ Մարությանի՝ Արմեն Բեգոյանի հայտարարության վերաբերյալ արած արտահայտությանը։
«Սա ուղղակի խայտառակություն է։ Ես Ձեզ հորդորում եմ Ձեր տեղն իմանալ, Ձեր աթոռին վերաբերմունքով մոտենալ, որովհետև սա անթույլատրելի է։ Ես հասկանում եմ, որ ամեն անգամ անելանելի իրավիճակից սկսում եք կչկչալ, բայց ես արդեն ուղղակի խղճով եմ վերաբերվում դրան»,- ասաց Թեհմինա Վարդանյանը։
Մանրամասները՝ տեսանյութում։
Նելլի Մելքոնյան
