30.08.2026 | 17:46
Էկոպարեկները ուժեղացրել են հսկողությունը որսի օրինականության նկատմամբ
«Աղջիկներն իրենց մեջ ինչ-որ բան չեն կիսել»․ Հայկ Մարությանը՝ Արմեն Բեգոյանի հայտարարության մասին. ՏԵՍԱՆՅՈՒԹ
Քաղաքականություն
28.04.2020 | 18:24
Ես երբևիցե բամբասանքներին չեմ անդրադառնում։ Անիմաստ եմ գտնում։ Չգիտեմ՝ «աղջիկներն այնտեղ իրար մեջ ինչ չեն կիսել»։ Այս մասին այսօր Երևանի քաղաքապետի, թաղապետերի ու ավագանու անդամների հարցուպատասխանի ընթացքում նշեց քաղաքապետ Հայկ Մարությանը՝ արձագանքելով Արմեն Բեգոյանի հայտարարությանը, թե աշխատանքից ազատման դիմում իրեն առաջարկել է քաղաքապետի կինը։
«Կարող եմ վստահ ասել, որ երբ պարոն Բեգոյանը որպես տնօրենի ժամանակավոր պաշտոնակատար տեղափոխվեց կանաչապատման նոր ՀՈԱԿ, խնդիրներ սկսեցին առաջանալ Կենդանիների վնասազերծման և ստերջացման ՀՈԱԿ-ում։ Պարոն Բեգոյանին հրավիրել եմ ինձ մոտ, առաջարկել եմ, որ հետ գնա կենդանիների վնասազերծման ՀՈԱԿ, կարգավորի խնդիրները, սխալների ուղղում կատարի և հետագա զարգացում տա այս ամենին։ Ի զարմանս ինձ՝ պարոն Բեգոյանը հրաժարվեց»,- ասաց Հայկ Մարությանը։
Մանրամասները՝ տեսանյութում։
Նելլի Մելքոնյան
