05.03.2026 | 23:19
Եկատերինբուրգում ադրբեջանական սփյուռքի անդամները դատապարտվել են 10-ից 22 տարվա ազատազրկման
Որոշ պատգամավորների շաքարաջուր կամ մեղրաջուր է պետք․ Մ․ Հայրապետյանն անդրադարձավ ԼՀ-ի պատգամավորների «վիրավորական» արտահայտություններին. ՏԵՍԱՆՅՈՒԹ
Քաղաքականություն
28.04.2020 | 17:42
ԱԺ «Իմ քայլը» խմբակցության պատգամավոր Մխիթար Հայրապետյանն այսօր ԱԺ արտահերթ նիստում անդրադարձավ «Լուսավոր Հայաստան» խմբակցության պատգամավորների կողմից հնչեցված «վիրավորական արտահայտություններին»։
«Խոսք գնաց, որ մենք չենք գիտակցում, որ կան մարդիկ, որոնք դժվարություններ ունեն։ Նույնիսկ պնդում եղավ պարոն Գորգիսյանի կողմից, որ մենք կտրվել ենք իրականությունից։ Ես պարոն Ջանջուղազյանին կխնդրեմ, Կառավարություն գնալու դեպքում, քննարկման դնել նոր սոցիալական միջոցառման հարց՝ որոշ պատգամավորների շաքարաջուր կամ մեղրաջուր մատակարարելու համար, որպեսզի թարմացվի որոշ քաղաքական գործիչների հիշողությունը, հաստատ օգտակար կլինի»,- ասաց Հայրապետյանը։
Պատգամավորն անդրադարձավ նաև «Լուսավոր Հայաստան» խմբակցության պատգամավոր Անի Սամսոնյանի ելույթին. «ԱԺ փոխխոսնակի մասին ոչ կոռեկտ հայտարարություն եք անում, ես, անկեղծ ասած, չգիտեմ Ձեր ագրեսիայի պատճառը, կարող եմ ենթադրություններ անել, բայց կարծում եմ, որ Ձեզ հարիր չէ և պատվաբեր չէ ԱԺ փոխնախագահի նկատմամբ նման վիրավորական տոնով հայտարարություններ անելը»,- նշեց Հայրապետյանը։
Հիշեցնենք, որ ԱԺ-ում քննարկվում է Կառավարության ներկայացրած 2020 թվականի պետական բյուջեում փոփոխություններ կատարելու նախագիծը։
Մանրամասները՝ տեսանյութում։
