06.07.2026 | 17:33
Նախորդ շաբաթ գրանցվել է 844 դեպք, որից 355-ը՝ արտակարգ. ՆԳՆ փրկարար ծառայություն
Գյումրու ինֆեկցիոն հիվանդանոցում կորոնավիրուսով 65 հիվանդ է բուժվում, նրանցից 59-ը Շիրակի մարզից է
Հասարակություն
27.04.2020 | 16:18
Գյումրու ինֆեկցիոն հիվանդանոցում այս պահին կորոնավիրուսով 65 հիվանդ է բուժում ստանում, նրանցից 59-ը Շիրակի մարզի բնակիչ է։ Այս մասին տեղեկանում ենք Շիրակի մարզպետարանից։
Գյումրիում բուժվողներից զատ՝ մարզից 11 հիվանդ էլ բուժում է ստանում Երևանում, 10 անձ առողջացել և դուրս է գրվել։ Շիրակի մարզում այս պահին մեկուսացման և ինքնամեկուսացման ցուցում ունի 277 քաղաքացի։
Մարտի 1-ից մինչ օրս Շիրակի մարզի բուժհաստատություններում ու հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 686 նմուշառում։ Ռիսկերի և շփումների բացահայտման և մեկուսացման աշխատանքներն իրականացվում են շարունակաբար։
Նշենք, որ Շիրակի մարզում կորոնավիրուսից մահվան 3 դեպք է գրանցվել, բոլորն էլ՝ Անի համայնքում։ Ապրիլի 6-ին կորոնավիրուսից մարալիկցի 68-ամյա մի տղամարդ էր մահացել, այնուհետ՝ 90-ամյա տղամարդ։ Մահվան 3-րդ դեպքն էլ գրանցվել է Ձորակապ համայնքում։
Կորոնավիրուսի տարածումը կանխարգելելու համար ապրիլի 19-ից Մարալիկ ու Ձորակապ բնակավայրերում, ՀՀ պարետի որոշմամբ, սահմանված են մուտքի ու ելքի սահմանափակումներ, որոնք երկարաձգվել են մինչև ապրիլի 30-ը։
Նշենք նաև, որ մի քանի օր առաջ կորոնավիրուսով վարակման առաջին դեպքը գրանցվեց Արթիկում։ Վարակվածը, ըստ տեղեկությունների, 65-ամյա տղամարդ է, տաքսու վարորդ:
Էմմա Չոբանյան
