Քաղաքականություն
27.04.2020 | 15:04
Այսօր՝ ժամը 13:00-ին, Ազգային ժողովում մեկնարկեց Ապրիլյան քառօրյա պատերազմի հանգամանքներն ուսումնասիրող քննիչ հանձնաժողովի նիստը։ Այսօրվա հյուրն Արցախի Հանրապետության արտակարգ իրավիճակների պետական ծառայության տնօրեն Լևոն Մնացականյանն է:
Նշենք, որ 2016-ին ծավալված ռազմական գործողությունների ժամանակ Մնացականյանը զբաղեցնում էր Արցախի պաշտպանության նախարարի-Պաշտպանության բանակի հրամանատարի պաշտոնը։ Իսկ 2018թ. դեկտեմբերի 14-ին նա, Արցախի նախագահի հրամանագրով, ազատվել էր զբաղեցրած պաշտոնից։
Հիշեցնենք, որ ապրիլյան հանձնաժողովի նախորդ նիստի մասնակիցը երրորդ նախագահի պաշտոնը զբաղեցրած, հետևաբար՝ 2016-ին ի պաշտոնե գերագույն գլխավոր հրամանատար հանդիսացող Սերժ Սարգսյանն էր։
Մերի Մարտիրոսյան
