11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Նույն հաջողությամբ ուսանողները պետք է բողոքեին կրթության ոլորտում ֆինանսավորման կրճատման դեմ. Արմեն Մարտիրոսյանը կողմ է տարկետման իրավունքի սահմանափակմանը
Քաղաքականություն
10.11.2017 | 17:23
«Ժառանգություն» կուսակցության փոխնախագահ Արմեն Մարտիրոսյանը թեև դրական է վերաբերվում ուսանողների պայքարին, սակայն կողմ է, որ բոլորը ծառայեն:
Factor.am-ի հետ զրույցում Արմեն Մարտիրոսյանն ասաց՝ ուսանողները նույն հաջողությամբ պետք է պայքարեին, երբ 2018 թվականի բյուջեի նախագծի քննարկումներից պարզ դարձավ՝ կրթության ոլորտին տրվող հատկացումները կրճատվելու են:
«Պայքարում են տարկետման իրավունքի համար, որն ընդամենը հետևանք է խորը պատճառների, որոնք այս տարիների ընթացքում կուտակվել են: Այսօր իշխանությունն ու, այսպես ասած, ընդդիմությունը միմյանց մեղադրում են չծառայելու մեջ: Եթե ունենայինք նորմալ կառավարման համակարգ և բոլոր պաշտոնայները ծառայած լինեին, մենք այս խնդիրը չէինք ունենա»,- նշեց «Ժառանգության» փոխնախագահը:
Արմեն Մարտիրոսյանի համոզմամբ՝ Պաշտպանության նախարարության այս առաջարկի հիմքում անվտանգության խնդիրն է, և դա է պատճառը, որ ինքը կողմ է տարկետման իրավունքի սահմանափակմանը:
Հարցազրույցն ամբողջությամբ՝ տեսանյութում:
Շողիկ Գալստյան
