08.11.2024 | 22:10
Նորաձևություն՝ զոհերի հուշարձանում․ Yerevan Fashion Week-ի ցուցադրության ոչ գլամուր հետևանքները․ ՏԵՍԱՆՅՈՒԹ
Բորիս Ջոնսոնն աշխատանքի է վերադարձել
Քաղաքականություն
27.04.2020 | 12:21
Մեծ Բրիտանիայի՝ կորոնավիրուսով վարակված վարչապետ Բորիս Ջոնսոնը, ավելի քանի երեք շաբաթ հոսպիտալացումից հետո, վերադարձել է Դաունինգ սթրիթում գտնվող իր նստավայր։ Այս մասին հայտնում է BBC-ն։
Այսօր նա կգլխավորի կառավարության՝ կորոնավիրուսի դեմ պայքարի անձնակազմի ժողովը:
Հիշեցնենք՝ մարտի 27-ին հայտնի էր դարձել, որ Բորիս Ջոնսոնը կորոնավիրուսով է վարակված։ Ապրիլի 6-ին նրան շտապ հոսպիտալացրել էին և նշել, որ թոքերի արհեստական օդափոխության սարքին միացնելու կարիք կա: Ապրիլի 10-ին Բորիս Ջոնսոնն ինտենսիվ թերապիայի բաժանմունքից դուրս էր եկել։
Հավելենք, որ այս ընթացքում Մեծ Բրիտանիայի վարչապետի պարտականությունները ժամանակավորապես կատարում էր երկրի արտգործնախարար Դոմինիկ Ռաաբը։
Նելլի Մելքոնյան
