20.01.2026 | 19:33
Լավրովը հայտարարել է, որ ԱՄՆ-ը չի կատարել Mariner լցանավի անձնակազմից երկու ռուսներին ազատ արձակելու խոստումը
Մարալիկ և Ձորակապ բնակավայրերում մուտքի ու ելքի սահմանափակումները երկարաձգվել են
26.04.2020 | 13:52
ՀՀ պարետի որոշմամբ, նոր կորոնավիրուսի տարածումը կանխարգելելու նպատակով Մարալիկ և Ձորակապ համայնքներ անձանց և տրանսպորտային միջոցների մուտքի ու ելքի սահմանափակումը երկարաձգվել է մինչև ապրիլի 30-ը, ժամը 23։59-ը. այս մասին նշում է Շիրակի մարզպետ Տիգրան Պետրոսյանը՝ հղում անելով է e-gov.am կայքին:
«Հիվանդությունների վերահսկման և կանխարգելման ազգային կենտրոնի մարզային պատասխանատուների կարծիքով, վիրուսային հիվանդության տարածման կանխարգելման առումով, սա հնարավորություն կտա առավել վերահսկելի դարձնել իրավիճակն այդ բնակավայրերում: Շնորհակալություն ենք հայտնում Մարալիկ և Ձորակապ բնակավայրերի մեր ազգաբնակչությանը՝ կիրառվող սահմանափակումներին ըմբռնումով մոտենալու և պատասխանատու կեցվածք դրսևորելու համար»,- հավելում է Շիրակի մարզպետ Տիգրան Պետրոսյանը:
Մինչ այս, պարետի ապրիլի 18-ի՝ թիվ 45 որոշման համաձայն, Մարալիկում ու Ձորակապում սահմանափակումները կիրառվելու էին ապրիլի 19-ից մինչև ապրիլի 25-ը:
