08.11.2024 | 21:44
ԵՄ-ն կշարունակի Ուկրաինայի զինված ուժերի վարժական առաքելությունը
Ռուսաստանում ևս մեկ պատգամավորի մոտ կորոնավիրուս է բացահայտվել
Քաղաքականություն
25.04.2020 | 21:29
ՌԴ Պետդումայի Կոմունիստական կուսակցության պատգամավոր Դմիտրի Նովիկովը կորոնավիրուսով է վարակվել։ Նա հոսպիտալացվել է՝ երկկողմ թոքաբորբով։ Այս մասին հայտնում է ՏԱՍՍ-ը։
«Բուժվում ենք։ Այո՛, կորոնավիրուս է հաստատվել։ Վիրուսային երկկողմ թոքաբորբ է։ Բարձր ջերմություն առանձնապես չկա»,- ասել է պատգամավորը։
Նրա խոսքով՝ կորոնավիրուսային հիվանդությունը հաստատել է ինչպես համապատասխան թեստը, այնպես էլ թոքերի համակարգչային տոմոգրաֆիան։ Պատգամավորը հավելել է, թե տեղյակ չէ՝ ումից կարող էր կորոնավիրուսով վարակվել։
«Շատ տարբեր շփումներ եմ ունեցել։ Ենթադրություններ չկան»,- ասել է նա։
Հիշեցնենք՝ ավելի վաղ հատնի էր դարձել, որ կորոնավիրուսով վարակվել է մեկ այլ ռուս պատգամավոր՝ Լեոնիդ Կալաշնիկովը։
Ընդհանուր առմամբ՝ Ռուսաստանում կորոնավիրուսի վարակակիրների թիվը հասել է 74.588-ի, մահերինը՝ 681:
Նելլի Մելքոնյան
