17.09.2026 | 21:13
Փաշինյանի գլխավորությամբ քննարկվել է TRIPP նախագծի իրագործման ընթացքը
Մինի աղբավայր Արաբկիրում. միթե՞ կարելի է այսչափ չսիրել քաղաքը. «Կանաչապատում և շրջակա միջավայրի պահպանություն» ՀՈԱԿ
Հասարակություն
25.04.2020 | 15:15
«Կանաչապատում և շրջակա միջավայրի պահպանություն» ՀՈԱԿ-ը հաղորդագրություն ու լուսանկարներ է հրապարակել,որը ներկայացնում ենք ստորև.
«Համաճարակի օջախ հանդիսացող տարածքի վրա անթաքույց աչք են փակում: Իսկ աղբակույտերը ժամ առ ժամ սնկի պես ավելանում են: «Կանաչապատում և շրջակա միջավայրի պահպանություն» ՀՈԱԿ-ը, «Աղբահանություն և սանիտարական մաքրում» հիմնարկի օգնությամբ, Կոմիտաս 60/2 հասցեում գտնվող «Երևան Սիթի» առևտրի կենտրոնի տարածքից մի քանի բեռնատար տարիներով կուտակված կենցաղային աղբ է հեռացրել: Ի դեպ, աղբանոցի վերածված տարածքին մոտ ոչ միայն բնակելի շենքեր են, այլև գործում է մեծ առևտրի կենտրոն, որտեղից էլ աղբը հավաքվում է տեղանքում: Նշենք, որ տարածքի մաքրման պատասխանատուն առևտրի կենտրոնն է: Սակայն «Կանաչապատում և շրջակա միջավայրի պահպանություն» ՀՈԱԿ-ի տնօրենի ժամանակավոր պաշտոնակատար Արմեն Բեգոյանի որոշմամբ նման շատ տարածքներ են բարեկարգվել՝ չլինելով ՀՈԱԿ-ի գործառույթների տիրույթում: Արդյունքում՝ ոչ միայն վերադարձվել են մայրաքաղաքի կանաչ տարածքներն ու թթվածինը, այլև բարեկարգմամբ հնարավորություն է ստեղծվել երբեմնի անխնամ վայրերում նոր կանաչապատ և ծաղկած տարածքներ ունենալու»:
