11.06.2026 | 22:17
Ժոզե Մոուրինյուն՝ «Ռեալի» գլխավոր մարզիչ
Հայտնի են Ավրորայի 2020 թվականի հերոսների անունները. ՏԵՍԱՆՅՈՒԹ
Հասարակություն
24.04.2020 | 20:15
Այս տարի «Ավրորա» մրցանակի համար ավելի շատ հայտ է ներկայացվել, քան երբևէ։ 593 թեկնածուից ընտրվել է 4-ը։ Այս մասին հայտնի դարձավ «Ավրորա» մարդասիրական նախաձեռնության՝ Հայոց ցեղասպանության 105-րդ տարելիցին նվիրված առցանց քննարկման ընթացքում։ Այսպես, «Ավրորայի« 2020 թվականի հերոսներն են՝ ⦁ Ֆարթուն Ադանը և Իլվադ Էլմանը, որոնք ղեկավարում են Սոմալիում գտնվող «Էլման» խաղաղության և մարդու իրավունքների կենտրոնը:
Տարիներ շարունակ մայր ու դուստր պայքարել են մարդու իրավունքների, կանանց իրավունքների պաշտպանության համար, նպաստել խաղաղաշինությանը և կատարել մանկահասակ զինվորների վերականգնողական աշխատանքներ։
⦁ Սոֆի Բոն և Կլաուս Ֆոգելը, որոնք SOS Méditerranée («SOS Միջերկրական») կազմակերպության համահիմնադիրներն են: Եվրոպական քաղաքացիական այդ ընկերակցությունը Գերմանիայի, Ֆրանսիայի, Իտալիայի և Շվեյցարիայի թիմերի հետ համատեղ որոնողական ու փրկարարական աշխատանքներ է իրականացնում բաց ծովում: Մինչև օրս SOS Méditerranée կազմակերպությունն օգնել է ավելի քան 30.000 փախստականների, որոնք Լիբիայի ափից հատել են ծովային վտանգավոր ճանապարհն ու հասել Եվրոպա:
⦁ Բժիշկ Սաքինա Յակուբին, որին «Մայր Աֆղանստան» են կոչում: Նա առաջիններից մեկն էր, որ 1990-ականներին Պակիստանի փախստականների ճամբարներում և Աֆղանստանում դպրոցներ բացեց կանանց և աղջիկների համար:
Այդ ժամանակներում էր, որ Խորհրդային Միության զորքերը մտան Աֆղանստան, թալիբանները վերելք էին ապրում, իսկ կանանց և աղջիկների կրթությունն արգելված էր:
Մանրամասները՝ տեսանյութում։
Նելլի Մելքոնյան
