«Ի հիշատակ 1,5 միլիոն անմեղ զոհերի»,- ֆեյսբուքի իր էջում գրել է իրավապաշտպան Զարուհի Հովհաննիսյանն ու իր տան պատշգամբում Կոմիտասի «Կռունկ»-ն է նվագում, ջութակով է նահատակների հիշատակը ոգեկոչում:
Համավարակով պայմանավորված՝ այս տարի վիրտուալ է մեր երթը Ծիծեռնակաբերդ. երեկ ուշ երեկոյան հնչեցին եկեղեցու զանգերը, մեր հայացքներն ուղղեցինք Մեծ եղեռնի կոթողին, մոմեր վառվեցին, հուշահամալիրի 12 սյուներից լույսեր ձգվեցին երկինք…
Որքան էլ դատարկ է Հայոց ցեղասպանության զոհերի հուշահամալիր տանող ճանապարհն այսօր, կանչն աղաղակող է. հիշում ենք ու պահանջում:
