Ծիծեռնակաբերդի բարձունքում այսօր կարմիր կակաչներ են տնկվել: Այս մասին տեղեկացնում է «Կանաչապատում և շրջակա միջավայրի պահպանություն» ՀՈԱԿ-ի մամուլի ծառայությունից:
««Կանաչապատում և շրջակա միջավայրի պահպանություն» ՀՈԱԿ-ը վաղ առավոտից կատարել է ծաղիկների տեղադրման նախապատրաստական աշխատանքներ՝ կակաչներն ամրացվել են բիոֆլորաների մեջ: Հողի մեջ ակոսները փորվել էին մեկ օր առաջ: Չնայած անբարենպաստ եղանակին՝ ՀՈԱԿ-ի աշխատակիցները տեղադրել են ծաղիկները: Ուշ երեկոյից մոտ 5000 կակաչներ իրենց գլխիկներն են խոնարհել Ծիծեռնակաբերդի հուշահամալիրի՝ դեպի անմար կրակ տանող ճանապարհին»,- ասված է ՀՈԱԿ-ի տարածած հաղորդագրությունում:
