14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հարկային արձակուրդի հարցը կարող է քննարկվել՝ ելնելով դեպքերի զարգացումից․ Անանյան. ՏԵՍԱՆՅՈՒԹ
Տնտեսություն
23.04.2020 | 15:04
Կառավարությունում չեն քննարկվում հարկային այնպիսի արտոնություններ, որոնք իրենցից ենթադրում են հարկերի չեղարկում, կասեցում կամ ներում։ Այս մասին այսօր հրավիրված մամուլի ասուլիսի ժամանակ նշեց ՊԵԿ նախագահ Դավիթ Անանյանը։
Հարցին՝ արդյո՞ք հարկային արտոնություններ կտրվեն մանրածախ առևտրով զբաղվող տնտեսվարողներին, այսինքն՝ նրանց, ովքեր այս ընթացքում չեն աշխատել, ՊԵԿ նախագահը պատասխանեց. «Այն կազմակերպությունները, որոնք չեն աշխատել, չեն ունենալու հարկային պարտավորություններ։ Կառավարության այսօրվա դիրքորոշումն այն է, որ հարկային արտոնություններ, որոնք իրենցից ենթադրում են հարկերի չեղարկում, կասեցում կամ ներում, այդպիսի հարկային արտոնություններ չեն քննարկվում: Կարող են քննարկվել հարկային արձակուրդ տրամադրելու միջոցառումներ, որի վառ ապացույցը նաև երեկվա Հարկային օրենսգրքում կատարված փոփոխությունն էր։ Ոչինչ բացառել պետք չի, բայց հարկային արձակուրդի թեման կարող է նաև քննարկվել՝ ելնելով նրանից, թե դեպքերի զարգացումը ինչպիսի ընթացք է ստանում»:
Մանրամասները՝ տեսանյութում:
