Քաղաքականություն
22.04.2020 | 18:22Ազգային ժողովն այսօր արտահերթ նիստում երկրորդ ընթերցմամբ ընդունեց «Բարգավաճ Հայաստան» խմբակցության պատգամավոր Միքայել Մելքումյանի ներկայացրած օրենքի նախագիծը, որը վերաբերում է տնտեսվարողների չկատարած հարկային պարտավորություններին:
Հայաստանի Հանրապետության հարկային օրենսգրքում փոփոխություն և լրացում կատարելու մասին օրենքի նախագիծը ԱԺ ապրիլի 22-ի նիստում քվեարկությամբ ստացավ 107 կողմ ձայն:
Այսպիսով՝ առաջարկվում է արտակարգ դրության պայմաններում հարկային պարտավորությունների չկատարման դեպքում տույժերի կրկնակի նվազեցում: Հարկի վճարումը ուշացնելու դեպքում ժամկետանց յուրաքանչյուր օրվա համար հարկ վճարողը կվճարի ոչ թե 0.075 տոկոսի չափով, այլ 0.04 տոկոս:
Առաջարկվում է նաև վճարողի գույքի վրա արգելանք դնելու որոշում կայացնել ոչ թե 500 հազար դրամից ավելի հարկային պարտավորություն կուտակելու դեպքում, այլ այդ թիվը սահմանել 1 մլն 500 հազար դրամ:
