18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լինել պատասխանատու, եթե նույնիսկ դուք շատ առողջ եք և ամուր. նախագահի հորդորը քաղաքացիներին
Հասարակություն
21.04.2020 | 16:10
ՀՀ նախագահ Արմեն Սարգսյանը հանդես է եկել կոչ-հորդորով՝ քաղաքացիներին խորհուրդ տալով կորոնավիրուսի տարածմամբ պայմանավորված իրավիճակում ավելի պատասխանատու մոտեցում ցուցաբերել:
«Կորոնավիրուսի վտանգը դեռևս չի անցել։ Սա ասում եմ ոչ թե վախ առաջացնելու, այլ իրականության աչքերին ուղիղ նայելու համար։ Դեռ երկար ժամանակ ապրելու ենք կորոնավիրուսի հետ, և ես խնդրում եմ բոլորիդ լինել պատասխանատու:
Լինել պատասխանատու, եթե նույնիսկ դուք շատ առողջ եք, ամուր եք և հիվանդությունը պարզ գրիպի պես եք տանելու, մեկ-երկու օր թեթև ջերմելու եք կամ, գուցե, դա էլ չունենաք և ասեք՝ «Սա՞ էր կորոնավիրուսը»։ Այո՛, դա էր կորոնավիրուսը, եթե ունեք երիտասարդ և առողջ մարմին, բայց այդ կորոնավիրուսը կրողը վարակը կարող է փոխանցել ուրիշներին, և նրանցից ոչ բոլորն են ձեզ պես առողջ ու երիտասարդ։ Կան տարիքով, վատառողջ մարդիկ, ում կյանքի համար վիրուսը կարող է լինել ծայրահեղ վտանգավոր։
Հետևաբար, եղե՛ք պատասխանատու»,- նշել է նախագահը։
