03.07.2026 | 15:56
Ռուսական բանակն Ուկրաինայի մի քանի շրջաններում տների և բենզալցակայանների վրա է հարձակվել. զոհեր կան
Նիկոլ Փաշինյանը Լոնդոնում ԵԽ-ի կողմից կազմակերպված կոնֆերանսի ընթացքում ներկայացրել է «Զիբիլիկսի» գործը
Քաղաքականություն
09.11.2017 | 16:59
ՀՀ ԱԺ «Ելք» խմբակցության ղեկավար Նիկոլ Փաշինյանը ֆեյսբուքյան իր էջում արված գրառմամբ, տեղեկացրել է, որ ԵԽ-ի կողմից կազմակերպված կոնֆերանսի ընթացքում ներկայացրել է «Զիբիլիկսի» գործը:
«Լոնդոնում մասնակցում եմ ԵԽ-ի կողմից կազմակերպված կոնֆերանսին, որը նվիրված է ընտրությունների ընթացքում ադմինիստրատիվ ռեսուրսների չարաշահմանը։
Քիչ առաջ կարճ ներկայացրի «Զիբիլիկսի» գործը, արձանագրելով, որ Հայաստանում իշխող Հանրապետական կուսակցության կողմից ստեղծվել է ընտրակաշառքի հսկա համակարգ, որի նպատակը բոլոր ընտրություններում իշխող խմբի հաղթանակը երաշխավորելն է։
Պատմեցի նաև այս երևույթի դեմ մեր պայքարի մասին, հույս հայտնելով, որ մենք կկարողանանք ժողովրդին բացատրել երևույթի աղետալի հետևանքները և հաղթահարել ՀՀԿ-ի ստեղծած հակապետական այս համակարգը»,- գրել է նա:
Հիշեցնենք, որ Factor.am-ը անդրադարձել էր թեմային, իր ՝ ««Զիբիլիքս»-ի գործը կարճվել է. ի՞նչ է պարզել ՀՔԾ-ն» վերտառությամբ հոդվածով:
