13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Նավթի գինը պատմության մեջ առաջին անգամ բացասական է դարձել․նավթի գնի անկման ֆոնին դոլարն ու եվրոն արժևորվել են
Տնտեսություն
21.04.2020 | 13:35
WTI տեսակի նավթի գինը պատմության մեջ առաջին անգամ բացասական է դարձել։ Այս մասին հայտնում է Ռիա Նովոստին։ Այն 162% անկում է գրանցել՝ 1 բարելի դիմաց հասնելով 11․42 դոլարի։ Լոնդոնյան ICE բորսայում նավթի գնի բացասական ցուցիչը հասել է 104%-ի, այսինքն՝ 0․75 դոլար՝ 1 բարելի դիմաց։
Նման աննախադեպ գները բացատրվում են նրանով, որ այսօր նավթի այդ տեսակի վաճառքի վերջին օրն է․ հումքը պահելու տեղ չկա, պահանջարկը կտրուկ ընկել է, իսկ պահեստարանները գրեթե լցված են։
Հունիսի համար WTI տեսակի նավթը նվազել է 18%-ով՝ 1 բարելի դիմաց հասնելով մինչև 20 դոլարի, իսկ Brent տեսակի նավթային խառնուրդը նվազել է գրեթե 10 տոկոսով ՝ 1 բարելի դիմաց հասնելով 25.43 դոլարի:
Սա նշանակում է, որ արդյունահանողներն իրենք ստիպված կլինեն վճարել գնորդներին `նավթ ձեռք բերելու համար: BBC—ի փոխանցմամբ՝ Մոսկվայի ֆոնդային բորսայում նավթի գնի նվազման ֆոնին ընկել է նաև ռուբլու փոխարժեքը։ Դոլարի փոխարժեքն ամսվա սկզբից առաջին անգամ գերազանցել է 76 ռուբլու շեմը, իսկ եվրոն գերազանցել է 82 ռուբլին։ Աղբյուրը նշում է, որ ռուբլու փոխարժեքը նվազում է Brent տեսակի նավթի գնի նվազման ֆոնին։ Նելլի Մելքոնյան
