20.01.2026 | 19:51
Վարչապետն ընդունել է գործարար Վլադիմիր Եվտուշենկովին
Թրամփը մտադիր է ժամանակավորապես դադարեցնել միգրացիան Միացյալ Նահանգներ․ BBC
Քաղաքականություն
21.04.2020 | 10:34
ԱՄՆ նախագահ Դոնալդ Թրամփը, կորոնավիրուսի պանդեմիայով պայմանավորված, մտադիր է ժամանակավորապես դադարեցնել միգրացիան դեպի Միացյալ Նահանգներ։ Այս մասին նա հայտնել է թվիթերի իր միկրոբլոգում. հաղորդում է BBC-ն։
«Անտեսանելի թշնամու հարձակմամբ պայմանավորված և մեր հրաշալի քաղաքացիների աշխատատեղերի պահպանման անհրաժեշտությունից ելնելով, կստորագրեմ հրաման՝ դեպի Միացյալ Նահանգներ միգրացիայի ժամանակավոր դադարեցման մասին»,- գրել է նա։
Սպիտակ տան ղեկավարը չի հայտնել հրամանի ստորագրման ժամկետը և չի նշել, թե դեպի ԱՄՆ միգրացիայի դադարը որքան ժամանակով կնախատեսվի։
Հավելենք, որ վերջին տվյալներով՝ ԱՄՆ-ն կորոնավիրուսի վարակակիրների ու մահերի թվով առաջին տեղում է։ Այնտեղ կա վարակման 792․938 և մահվան 42․518 դեպք։
Նելլի Մելքոնյան
