26.09.2026 | 18:42
Հայաստանի շախմատի կանանց հավաքականը ոչ-ոքի ավարտեց հանդիպումը Հունաստանի հավաքականի հետ
Չեխիայի նախագահն առաջարկել է մեկ տարի փակ պահել երկրի սահմանները
Քաղաքականություն
20.04.2020 | 19:55
Չեխիայի նախագահ Միլոշ Զեմանը կարծում է, որ կորոնավիրուսի համաճարակի պատճառով մարտին փակված երկրի սահմանները հարկավոր է բացել ոչ շուտ, քան մեկ տարի անց: Այս մասին գրում է ՏԱՍՍ-ը:
«Չեխիայի սահմանները պետք է փակ մնան մեկ տարի: Իմ տեսակետն այս խնդրի հարցում չի փոխվել»,- ասել է Զեմանը:
Նրա կարծիքով՝ Չեխիա մուտքի և ելքի սահմանափակումների լիարժեք չեղարկման դեպքում վտանգ կա, որ կորոնավիրուսը նորից կթափանցի երկիր:
Մինչ այդ, Չեխիայի ԱԳ նախարար Տոմաշ Պետրժիչեկը հայտնել է, որ Կառավարությունը ծրագրում է քննարկել չեխ գործարարների համար ազգային սահմանները բացելու հարցը, որպեսզի նրանք հնարավորություն ունեն մեկնել արտերկրի գործընկերների հետ բանակցությունների: Ըստ նախարարի՝ այնուհետև նախատեսվում է երկիր ազատ մուտք ու ելքի ռեժիմը վերականգնել աստիճանաբար: Առաջին փուլում, ամենայն հավանականությամբ, կբացվեն Սլովակիայի և Ավստրիայի հետ սահմանները:
Չեխիայում մարտի 12-ին արտակարգ դրության ռեժիմ է գործում, իսկ մարտի 16-ից համընդհանուր կարանտին է սահմանվել: Բացառիկ դեպքերում երկրից հեռացած քաղաքացիները, վերադառնալուց հետո, երկշաբաթյա կարանտին պետք է անցնեն:
Հավելենք, որ Չեխիայում, այս պահի դրությամբ, կորոնավիրուսի վարակի 6.701 դեպք է բացահայտվել: Համաճարակի զոհ է դարձել 186 քաղաքացի, 1.298 հիվանդ ապաքինվել է:
