26.09.2026 | 18:42
Հայաստանի շախմատի կանանց հավաքականը ոչ-ոքի ավարտեց հանդիպումը Հունաստանի հավաքականի հետ
Նիկոլ Փաշինյանը՝ արևմտամետների և ռուսամետների հիասթափության մասին. ՏԵՍԱՆՅՈՒԹ
Քաղաքականություն
20.04.2020 | 19:42
Վերջին 2 տարիներին հիասթափվել են և՛ արևմտամետները, և՛ ռուսամետները։ Այս մասին այսօր ֆեյսբուքյան ուղիղ եթերի ժամանակ ասաց ՀՀ վարչապետ Նիկոլ Փաշինյանը։
«Հավատացել են այն մարդկանց, ովքեր ասել են՝ Հայաստանում հեղափոխություն են արել արևմտամետ ուժերը, և ասել են՝ ահա ինչ լավ է, «մերոնք»՝ արևմտամետները եկան իշխանության։ Հետո ինչ-որ ժամանակի ընթացքում հասկացել են, որ իրականում արևմտամետ ուժ Հայաստանում իշխանության չի եկել։ Ես այս թեմային բազմիցս եմ անդրադարձել, բայց ուզում եմ ասել, որ արևմտամետները, այո՛, հիասթափվելու պատճառ ունեն»,- նշեց Փաշինյանը։
Նա հավելեց, որ հիասթափված են նաև ռուսամետները:
«Մտածել են՝ Ռուսաստանն իր լծակներով թույլ չի տա մեր գործունեությունը Հայաստանում, կամ 2-րդ տարբերակը, որ Հայաստանի իշխանություններն այնքան մարիոնետային կդառնան, որ ստիպված կլինեն դաշտ բացել, զիջել և կիսել իշխանությունը ռուսամետների հետ»,- նշեց վարչապետը։
Մանրամասները՝ տեսանյութում։
