28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Թուրքիան, Ֆրանսիան և Իտալիան պատրաստվում են համատեղ ՀՕՊ համակարգեր արտադրել
Քաղաքականություն
09.11.2017 | 15:41
Թուրքիան, Ֆրանսիան և Իտալիան ուժեղացնում են եռակողմ համագործակցությունը պաշտպանական ոլորտում. տեղեկացնում է EH-ն:
Թուրքական «Star» պարբերականի հաղորդմամբ՝ Բրյուսելում գտնվող Թուրքիայի, Ֆրանսիայի և Իտալիայի պաշտպանության նախարարներ Նուրեթթին Ջանիքլին , Ֆլորենս Պարլեն և Րոբերտա Պինոտտին ստորագրել են համաձայնագիր ՝համատեղ ՀՕՊ համակարգ արտադրելու վերաբերյալ:
Որպես առաջին քայլ՝ «EUROSAM » ֆրանս-իտալական կոնսորցիումը եւ թուրքական ընկերությունները քննարկումներ կանցկացնեն երեք երկրների ընդհանուր պահանջների վերաբերյալ և ըստ այդ կանցնեն գործնական քայլերի:
Հիշեցնենք, որ օգոստոսի 23-ին Ռուսաստանի զենքի արտահանման պետական «Ռոսօբորոնէքսպորտ» ընկերության գլխավոր տնօրեն Ալեքսանդր Միխեևը հայտարարել էր, որ Թուրքիան ու Ռուսաստանը ստորագրել են S-400-ների վերաբերյալ վաճառքի պայմանագիրը: Սակայն ռուսական կողմը հրաժարվել է Թուրքիային տրամադրել այդ ՀՕՊ գաղտնաբառերը, որպեսզի թուրք մասնագետները չկարողանան տեսնել, թե ինչպիսի մեխանիզմ ունեն դրանք:
