07.12.2025 | 13:57
«50 հազարով թաղում անող», «Գնա, նզովյալ»․ վիճաբանություն քաղաքացու և քահանայի միջև․ ՏԵՍԱՆՅՈւԹ
Ուսանողները չեն ցանկանում առանց լրատվամիջոցների հանդիպել վարչապետի հետ (թարմացվում է)
Հասարակություն
09.11.2017 | 15:05
15:15
Ուսանողներից հինգ հոգանոց խումբը մտավ կառավարության շենք: Այս պահին ուսանողները վանկարկում են՝ «հանդիպում-լինելու ա»:
Արդեն երրորդ օրը դասադուլ անցկացնող ուսանողներն այս պահին կառավարության շենքի առաջ են շարունակում իրենց բողոքի ակցիան՝ պահանջելով հանդիպում վարչապետ Կարեն Կարապետյանի հետ:
Վարչապետի ավագ օգնական Արամ Վարդևանյանը մոտենալով ցուցարարներին՝ հայտարարել է, թե վարչապետ Կարեն Կարապետյանը պատրաստակամ է 15-20 րոպեների ընթացքում հանդիպել ցուցարարների ներկայացուցիչների հետ, սակայն առանց լրատվամիջոցների ներկայության և ընդամենը 5 հոգանոց խմբով:
«Քանի որ քննարկումը պետք է լինի աշխատանքային բնույթի, ուստի այն պետք է ընթանա առանց լրատվամիջոցների: Ավարտից հետո, բնականաբար, կներկայացնենք արդյունքները»,- ասաց Վարդևանյանը:
Ուսանողները, սակայն, հրաժարվեցին այդ առաջարկից՝ պնդելով առնվազն մեկ լրատվամիջոցի ներկայություն և առցանց հեռարձակում: Սակայն կառավարության ներկայացուցիչները նաև այս տարբերակից հրաժարվեցին՝ հայտարարելով, թե կառավարության լրատվական ծառայությունը կտրամադրի հանդիպման մասին տեսանյութ:
Ուսանողները պնդեցին, որ տեսանյութը ամբողջական լինի, չմոնտաժված և համապատասխան երաշխիք պահանջեցին: Ի վերջո՝ վարչապետի աշխատակազմի ներկայացուցիչները խոստացան ուսանողների առաջարկը փոխանցել վարչապետին, ապա նրանց պատասխանի մասին տեղեկացնել:
