Քաղաքականություն
20.04.2020 | 12:37Նիկոլ Փաշինյանի հայտարարություններ դառնում են անհետևանքային։ Խորհրդարանական ճեպազրույցի ժամանակ այս մասին ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Նիկոլ Փաշինյանի՝ ուղիղ եթերում «Սերժ Սարգսյանի մնացորդներից» և «վնգստացող դատավորներից» ազատվելու վերաբերյալ հնչեցրած հայտարարություններին:
«Հայտարարություն էր արվել, որ մարդիկ Կառավարությունում ծրարներով փող են ստացել։ Հարցը տվեցինք, ինչ-որ պինգ-պոնգի պես մեզ հետ ուղարկեց, մենք՝ իրեն, և այդպես էլ չպարզվեց՝ վերջը ինքը Սերժ Սարգսյանի կադրերին հարցրե՞լ է՝ նրանք ծրարով փող ստացե՞լ են, թե՞ ոչ։ Փակվեց թեման, գնաց, հիմա էլ խոսում է Սերժ Սարգսյանի մնացորդներից։ Հիմա ես հարցեր ունեմ. օրինակ՝ Ջանջուղազյանը կարո՞ղ է համարվել Սերժ Սարգսյանի մնացորդ, թե՞ ոչ»,- ասաց Մարուքյանը։
Մանրամասները՝ տեսանյութում։
