04.04.2026 | 20:03
ՃՏՊ՝ հրդեհի բռնկմամբ
Կրասնոդար-Երևան չվերթով Հայաստան է վերադառնում 100 քաղաքացի
Հասարակություն
19.04.2020 | 11:33
Դոնի Ռոստովում ՀՀ Գլխավոր հյուպատոսության և «Азимут» ավիաընկերության միջև ձեռք բերված պայմանավորվածության համաձայն՝ ապրիլի 19-ին տեղի է ունեցել Կրասնոդարից դեպի Երևան չարտերային թռիչքը։ Այս մասին տեղեկացնում է Ռուսաստանում Հայաստանի Հանրապետության դեսպանությունը։
«Նշյալ չվերթով Հայաստան է վերադառնում 100 ՀՀ քաղաքացի։ Կրասնոդարի երկրամասի հայկական ազգային-մշակութային ինքնավարության ու կառույցի նախագահ Արտյոմ Մինոսյանի, ինչպես նաև բարերար Միսակ Ղազարյանի և Գլխավոր հյուպատոսության աջակցությամբ ապահովվել է նշված չվերթով քաղաքացիների անվճար վերադարձը հայրենիք։ Հայաստան վերադարձի առաջնահերթություն է տրվել նախապես ցուցակագրված՝ • Ռուսաստանի հարավում, մասնավորապես՝ Կրասնոդարի երկրամասում գտնվող այն ՀՀ քաղաքացիներին, ովքեր բախվել էին կացության հետ կապված խնդիրներին; • մանկահասակ երեխաներ ունեցող ՀՀ քաղաքացիներին, մեծահասակներին, հետվիրահատական վերականգնման անհրաժեշտություն ունեցող և բուժման ցուցումով Հայաստան վերադարձողներին, ծայրաստիճան բարդ կացության մեջ հայտված քաղաքացիներին։ Վերոնշյալ թռիչքով Հայաստան վերադարձած քաղաքացիները ենթարկվելու են 14-օրյա պարտադիր կարանտինային ռեժիմի»,- նշված է հաղորդագրության մեջ:
