«Բենթլի» վարելն ինչո՞ւ նորմալ չէ, նվիրատվություն են արել, գրպանը գումար դրել, ասել՝ բարեգործությամբ կզբաղվես, դու կօգտագործես․ Նավասարդ Կճոյանի պաշտպան

Լուրեր

21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
Բոլորը

Հայ Առաքելական եկեղեցու Արարատյան հայրապետական թեմի առաջնորդական փոխանորդ Նավասարդ արքեպիսկոպոս Կճոյանը օֆշորային սկանդալի գործով արդեն մի քանի անգամ հրավիրվել է Ազգային անվտանգության ծառայություն և հարցաքննվել: Այս մասին Factor.am-ի հարցերին ի պատասխան ասաց նրա պաշտպան Հովիկ Արսենյանը:

«Երկար է տևում հարցաքննությունը, կիսատ է մնացել, դրա համար են կանչում: Բացարձակապես առերեսում չի եղել, միայն սրբազանին են հարցաքննել»,- ասաց նա:

Փաստաբանի փոխանցմամբ՝ Կճոյանն իրեն առաջադրված մեղադրանքում մեղավոր չի ճանաչում՝ այն որակելով անհիմն և շինծու:

Հիշեցնենք՝ Ազգային անվտանգության ծառայությունը նախօրեին հայտարարեց, որ Հայ Առաքելական եկեղեցու թեմերից մեկի առաջնորդական փոխանորդը 2010 թ.-ին իր հետ քավոր-սանիկական հարաբերությունների մեջ գտնվող անձի հետ (խոսքը Աշոտ Սուքիասյանի մասին է) խարդախությամբ՝ իբրև Աֆրիկայի մայրցամաքում իրեն պատկանող ադամանդի հանքավայրերում 12 միլիոն ԱՄՆ դոլար գումարի չափով ներդրում կատարելու համար, շահագրգռել է ՀՀ ձեռնարկատերերից մեկին (խոսքը Փայլակ Հայրապետյանի մասին է) ձեռք բերել նրան և նրա մերձավորներին պատկանող մի շարք անշարժ գույքերի նկատմամբ իրավունք, գրավադրել դրանք բանկերից մեկում, ինչի արդյունքում ստացել և անարգել տնօրինել է 9 միլիոն ԱՄՆ դոլար և 361.500.000 ՀՀ դրամ գումարի չափով վարկային միջոցների: Ըստ ԱԱԾ-ի՝ հանցավոր եղանակով ստացված եկամուտներն օրինականացնելու համար օգտագործվել է հանցավոր խմբի անդամների կողմից նախապես՝ 2010 թ. գարնանը, օֆշորային գոտում հիմնադրված ընկերությունը, որի 33 տոկոս բաժնեմասը պատկանել է եկեղեցու հիշյալ սպասավորին: Նշենք, որ օֆշորային սկանդալում ներգրավված է նաև նախկին վարչապետ Տիգրան Սարգսյանը:

Մեր հարցին ի պատասխան Հովիկ Արսենյանն ասաց, որ գործով անցնող որևէ անձի հետ Նավասարդ արքեպիսկոպոս Կճոյանը չի առերեսվել: Ավելին, նա նաև պնդեց, որ սրբազանը որևէ առնչություն չի ունեցել գործարար Փայլակ Հայրապետյանի հետ:

Մինչդեռ, հիշեցնենք, որ «Հետքը» գրել էր՝ Աշոտ Սուքիասյանը  գործարար Փայլակ Հայրապետյանի` «Ամերիա» բանկում գրավադրված գույքի դիմաց ստացած վարկային միջոցներով «Բենթլի» է ձեռք բերել և նվիրել Կճոյանին:

-Պարոն Արսենյան, այսինքն՝ Նավասարդ արքեպիսկոպոս Կճոյանը պնդում է, որ Փայլակ Հայրապետյանի հետ որևէ կապ չի՞ ունեցել:

-Չէ, ես դրա վերաբերյալ արդեն խոսել եմ:

-Իսկ «Բենթլի՞ն», որ  Կճոյանին նվիրել է Աշոտ Սուքիասյանը գործարար Փայլակ Հայրապետյանի` «Ամերիա» բանկում գրավադրված գույքի դիմաց ստացած վարկային միջոցներով:

-Ես այդ տեղեկությունը տարածողից կարող եմ պատիվ պահանջել: Ես գիտեմ, թե այդ «Բենթլին» ով է առել:

-Ո՞վ է առել:

-Ունեցել է «Մերսեդես» 600, վաճառել է և «Բենթլի» է առել:

–  «Բենթլին» թանկարժեք մեքենա է…

-Բայց ինչո՞ւ է թանկարժեք: 50-60 հազարից սկսում է:

–Հոգևորականի համար 50-60 հազար դոլարը մեծ գումար չէ՞: Նորմա՞լ է, որ հոգևորականը նման թանկարժեք մեքենա գնելու հնարավորություն ունի:

-Ինչու՞ նորմալ չէ: Ամբողջ աշխարհի հայությունը իրեն ճանաչում է, նվիրատվություն են տալիս, գրպանը գումար են դնում, ասում են՝ բարեգործությամբ կզբաղվես, դու կօգտագործես: Ինքն էլ ամուսնացած չի, ծախսեր էլ չունի:

Նշենք, որ այս թանկարեք մեքենայի գործը կցված չէ օֆշորային գործին: Փաստաբանը նշեց, որ բուն գործի հետ կապված այլ հարցերի չի կարող պատասխանել, քանի որ նախաքննական գաղտնիք է:

Նա նաև նշեց, որ Կճոյանը շարունակում է իր գործունությունը: Փաստաբանը հույս ունի, որ քրեական հետապնդումը կդադարեցվի, Կճոյանն անմեղ կճանաչվի, իսկ գործն անգամ դատարան չի հասնի: Նա բացառեց, որ այս պահին ընտրված խափանման միջոցը՝ ստորագրությունը չբացակայելու մասին,  փոխարինվի կալանքով:

 

Նարեկ Կիրակոսյան

 

 

Լուսանկարը՝ Գագիկ Շամշյանի