14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Պարոն Բեգոյա՞ն, ասում են՝ ծառեր եք կտրում. Ավինյանը ժպիտով հարց բարձրացրեց
Քաղաքականություն
31.03.2025 | 11:05
«Պարոն Բեգոյա՞ն, ասում են՝ ծառեր եք կտրում ու սակուրաներ տնկում ամենուրեք»,- «Կանաչապատում և շրջակա միջավայրի պաշտպանություն» ՀՈԱԿ-ի տնօրեն Արմեն Բեգոյանին ժպիտով դիմելով՝ ասաց Տիգրան Ավինյանը Երևանի քաղաքապետարանի գործակարգավարական նիստի ժամանակ։
«Դրանք Կառավարության շենքի կողքերով և հետնամասում՝ Մելիք Ադամյան փողոցում, շատ խիստ վթարային, ծեր, փտած, հիվանդ թեղի տեսակի ծառատեսակներ էին, որոնք դեռևս 2022 թվականից փոխարինման համար ներառված էին ծրագրի մեջ։ Եվ արդյունքում, երկու օրվա մեզ մեզ հաջողվել է բերել ջրագիծ, անցկացնել բոլորովին նոր ոռոգման համակարգ։ Հեռացված 59 թեղիների փոխարեն տնկվել է 82 «կատալպա» գնդաձև ծառատեսակ, որոնք իրենց չափսերով ավելի մեծ են, քան որոնք տնկվել էին Թումանյան փողոցում»,- մանրամասնեց Բեգոյանը։
Ի պատասխան՝ Ավինյանը կարդաց ֆեյսբուքյան որոշ գրառումներ և մեկնաբանություններ՝ խնդրելով պատասխանել օգտատերերի հարցերին։
Բեգոյանը ներկայացրեց վերջին 2,5 տարվա ընթացքում կտրված և փոխարինված ծառերի վիճակագրությունը. «Այն պնդումները, թե բոլորը կտրում և տեղը սակուրաներ ենք տնկում, չի համապատասխանում իրականությանը։ Տնկված 20 հազար ծառերից երևի 100 հատն է սակուրա»։
Մանրամասները՝ տեսանյութում։
