14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
«Փյունիկ»-ը մեկնաբանել է Մանուչարյանի հետ տարաձայնությունների մասին լուրերը
16.04.2020 | 22:26
Երևանի «Փյունիկ» ֆուտբոլային ակումբը մեկնաբանել է թիմի նախկին ֆուտբոլիստը Էդգար Մանուչարյանի վերջին հայտարարությունը:
«Արմենպրես»-ի հարցմանն ի պատասխան «Փյունիկ»-ից մասնավորապես ասել են. «Այո, ֆուտբոլիստի հետ կա տարաձայնություն։ Էդգար Մանուչարյանի հետ կապված հարցի շուրջ մենք պատրաստ ենք հարցը վիճարկել բոլոր օղակներում։ «Փյունիկ» ՖԱ-ն մշտապես կատարել է ֆուտբոլիստների հետ պայմանագրերով նախատեսված պարտավորությունները»:
Ավելի վաղ Մանուչարյանը հայտարարել էր, որ «Փյունիկ»-ը պայմանագիրն առանց հիմնավոր դրդապատճառի ժամանակից շուտ խզել էր։ Ֆուտբոլիստն էլ դիմել էր ՀՖՖ «Վեճերի լուծման պալատ»-ում, որն էլ վերջերս հրապարակել է որոշում, ըստ որի ակումբն իր գործողություններով առանց հիմնավոր դրդապատճառի է լուծել պայմանագիրը և պարտավորվել է ֆուտբոլիստին վճարել հասանելիք ամբողջ փոխհատուցումը, որը կստանա մինչև պայմանագրի ավարտը:
