21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Նոր տեղեկություններ դեպի Շենգենյան տարածք ճամփորդությունների սահմանափակումների վերաբերյալ․ ՀՀ-ում Գերմանիայի դեսպանատուն
Քաղաքականություն
16.04.2020 | 18:17
Հայաստանում Գերմանիայի դեսպանատունը հայտարարություն է տարածել, համաձայն որի՝ հետևելով ԵՄ հանձնաժողովի 2020թ. ապրիլի 8-ի առաջարկություններին՝ Գերմանիան COVID-19-ի կանխարգելման նպատակով առայժմ ևս 30 օրով կերկարացնի երրորդ երկրներից դեպի Գերմանիայի Դաշնային Հանրապետություն ոչ խիստ անհրաժեշտ ճամփորդությունների համար գործող սահմանափակումները:
«Գերմանիան, ինչպես եվրոպական մյուս պետությունները, կշարունակի կիրառել Շենգենյան գոտի մուտք գործելու վերաբերյալ 2020թ. մարտի 17-ին պետությունների և կառավարությունների ղեկավարների ընդունած սահմանափակումները առայժմ մինչև 2020թ. մայիսի 15-ը: Գերմանիայի Դաշնային Հանրապետության տարածք մուտք գործած անձանց նկատմամբ կկիրառվի կարանտին: Հայաստանի Հանրապետության այն քաղաքացիները, որոնք կենում են Գերմանիայում, և որոնց վիզայի կամ կացության թույլտվության ժամկետը լրանում է, պետք է նախապես կապ հաստատեն օտարերկրացիների հարցերով իրավասու մարմնի հետ»,- նշված է հայտարարության մեջ։
Հավելենք, որ վերջին տվյալներով՝ Գերմանիայում նոր կորոնավիրուսի 135․383 վարակման դեպք և 3850 մահ է գրանցվել։
