06.07.2026 | 17:33
Նախորդ շաբաթ գրանցվել է 844 դեպք, որից 355-ը՝ արտակարգ. ՆԳՆ փրկարար ծառայություն
Պուտինը հրահանգել է կրճատել COVID-19-ի կանխարգելման համար կիրառվող դեղամիջոցների կլինիկական ուսումնասիրությունների ժամկետը․ Interfax
Քաղաքականություն
16.04.2020 | 19:02
Ռուսաստանի նախագահ Վլադիմիր Պուտինը կառավարությանը հանձնարարել է մինչև մայիսի 15-ը որոշումներ կայացնել, որոնք ուղղված կլինեն նոր կորոնավիրուսի կանխարգելման համար օգտագործվող դեղամիջոցների նախակլինիկական և կլինիկական ուսումնասիրությունների պարզեցմանը, դրանց տևողության կրճատմանը, ինչպես նաև պետական գրանցմանը: Այս մասին հայտնում է Ինտերֆաքսը։
Աղբյուրի փոխանցմամբ՝ համապատասխան փաստաթուղթը հրապարակված է Կրեմլի կայքում։ Համաձայն Պուտինի հրամանի՝ նախարարներին հանձնարարվում է նախնական կլինիկական փորձաքննություններին զուգահեռ՝ անհրաժեշտ որոշումներ կայացնել նաև կլինիկական փորձաքննություններ անցկացնելու համար։
Հրահանգում նշված է, որ կառավարությունը պետք է ապահովի նաև դեղամիջոցների արդյունավետության և անվտանգության մոնիթորինգ, ինչը կներառի նաև դրանց կիրառումից հետո առաջացած բարդությունները։
Հավելենք, որ վերջին տվյալներով` Ռուսաստանում կորոնավիրուսի վարակակիրների թիվը 27.938 է, իսկ մահվան ելքերինը՝ 232։ Միայն վերջին 24 ժամում ՌԴ-ում հայտնաբերվել է կորոնավիրուսով վարակման 3448 նոր դեպք։
Նելլի Մելքոնյան
