Տեսանյութեր
15.04.2020 | 20:55ԱԺ «Իմ քայլը» խմբակցության պատգամավոր Սասուն Միքայելյանն այսօր Ազգային ժողովում Կառավարության հետ հարցուպատասխանի ժամանակ նշեց, որ այս օրերին մարդիկ խնդիր ունեն՝ կապված արտերկրում մահացած իրենց հարազատների դիակների տեղափոխման հետ։
«Մարդիկ ասում են՝ մենք չենք կարողանում իմանալ` տեղափոխված անձը մեր հարազա՞տն է, թե՞ ոչ: Մի քանի ամիս առաջ դեպք է եղել, որ այլազգի՝ ռուսի դիակ են ուղարկել, 100 տոկոս բան եմ ասում: Մենք էն ազգն ենք, որ անհայտ մարդ բերենք, թաղե՞նք, մի տեսակ չի ստացվի»,- նշեց պատգամավորը՝ հարց ուղղելով՝ ի՞նչ հնարավորություն կա իմանալու՝ մահացածն այդ մարդկանց հարազա՞տն է, թե՞ ոչ:
Հարցին պատասխանեց առողջապահության նախարար Արսեն Թորոսյանը:
«Կփորձենք մշակել որևէ նոր տարբերակ՝ նույնականացումը կազմակերպելու, ձեր ասած տարբերակն էլ հաշվի կառնենք, միգուցե հնարավոր լինի»,- նշեց նախարարը։
Մանրամասները՝ տեսանյութում։
