25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
«Ներողություն ենք խնդրում ստեղծված անհարմարության համար. այստեղ կառուցվում է Կատալոնիայի Հանրապետությունը». կատալոնացիները փակել են երկրի ճանապարհներն ու համընդհանուր գործադուլ հայտարարել
Քաղաքականություն
08.11.2017 | 17:55
Կատալոնիայում համընդհանուր գործադուլ է հայտարարվել. գործադուլի մասնակիցները փակել են մոտ 50 ավտոճանապարհ (այդ թվում և դեպի Բարսելոնա տանող ու Կատալոնիան Ֆրանսիային կապող ճանապարհները) և երկաթուղային հաղորդակցության ուղիները՝ այդ կերպ արտահայտելով իրենց բողոքը Կատալոնիայի նախկին ղեկավարին և նրա վարչակազմի պաշտոնյաներին ձերբակալելու Մադրիդի որոշման դեմ. փոխանցում է fakty.ua-ն:
Փակված փողոցներից մեկում անվադողեր են այրել, մյուսում՝ ցուցապաստառ կախել՝ «Ներողություն ենք խնդրում ստեղծված անհարմարության համար. այստեղ Կատալոնիայի Հնարապետությունն է կառուցվում» գրությամբ:
Հիշեցնենք, որ Կատալոնիայի անկախության հանրաքվեից հետո Իսպանիայի իշխանությունները ցրեցին նախկին վարչակազմն ու խորհրդարանը ու ինքնավար մարզում ուղիղ կառավարում մտցրեցին: Իսկ Իսպանիայի գերագույն դատարանը Կատալոնիայի նախկին ղեկավար Կառլես Պուչդեմոնին և նրա վարչակազմի պաշտոնյաներին ձերբակալելու միջազգային սանկցիա հայտարարեցին: Մադրիդը նրանց ձերբակալելու պահանջով դիմեց Բելգիայի իշխանություններին, որտեղ հիմա գտնվում են կատալոնացի քաղաքական գործիչները:
Նշենք, որ Բելգիական դատարանը Կառլես Պուչդեմոնի արտահանձնման հարցը քննարկելու է նոյեմբերի 17-ին:
