26.09.2026 | 20:38
Քաղաքացին ընկել է ջրհորը. նա հոսպիտալացվել է
Անձամբ ես խնդիր եմ ունեցել տոն օրերին աշխատանքի չներկայանալու հետ կապված․ Բաքոյանը՝ Պետրոսյանին. ՏԵՍԱՆՅՈՒԹ
Քաղաքականություն
15.04.2020 | 16:11
«ՀՀ աշխատանքային օրենսգրքում լրացում կատարելու մասին» օրենքի նախագծով առաջարկվում է ազգային, կրոնական տոները կամ հիշատակի օրերը նշելու համար ոչ ավելի, քան տարեկան 4 օր չվճարվող արձակուրդ տրամադրել։ Այս մասին խորհրդարանում ասաց «Իմ քայլը» խմբակցության պատգամավոր Ռուստամ Բաքոյանը՝ ներկայացնելով օրինագիծը։
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը նշեց, որ պետական և մասնավոր սեկտորներում աշխատած լինելով՝ չի հիշում, որ ազգությամբ եզդի աշխատակիցը դիմած լինի՝ ազգային տոնական օրերի կապակցությամբ տվյալ օրը աշխատանքի չներկայանալու համար և մերժվի։
«Նախագծի նպատակն ինքնին հասկանալի է, բայց եթե նախկինում մեր եզդի եղբայրները այդ օրը կարողանում էին վճարովի արձակուրդի գնալ և օգտվել տոներին մասնակցելու հնարավորությունից, այս նախագծով ստացվում է, որ իրենք զրկվելու են աշխատավարձից»,- ասաց Պետրոսյանը։
Ռուստամ Բաքոյանն արձագանքեց. «Անձամբ ինձ հետ պատահել է նման խնդիր պետական համակարգում աշխատելիս, դա եղել է փոխթաղապետի մակարդակով: Իսկ հայերի եղբայրական վերաբերմունքը եզդի ժողովրդին հասկանալի և ակնհայտ է։ Բայց երբ մենք օրենքով կարգավորում ենք տալիս, ազգային և կրոնական փոքրամասնություններին հնարավորություն է տրվում իրենց ազգային, կրոնական տոներին կամ հիշատակի օրերին մասնակցելու»:
Մանրամասները՝ տեսանյութում։
