20.01.2026 | 17:43
«Երեխաներից գոնե ամաչեք․ բա չհետաքրքրացնե՞մ մեր նիստը»․ Ռուբինյանը՝ Կյուրեղյանին․ ՏԵՍԱՆՅՈՒԹ
ՄԱԿ-ի գլխավոր քարուղարը քննադատել է ԱՄՆ նախագահի՝ ԱՀԿ ֆինանսավորումը դադարեցնելու մասին որոշումը
Քաղաքականություն
15.04.2020 | 15:18
ՄԱԿ-ի գլխավոր քարտուղար Անտոնիո Գուտերեշը քննադատել է ԱՄՆ նախագահ Դոնալդ Թրամփի որոշումը՝ Առողջապահության համաշխարհային կազմակերությանը հատկացվող ֆինանսավորումը դադարեցնելու վերաբերյալ։ Նա նշել է, որ ԱՄՆ-ն անհամապատասխան ժամանակ է ընտրել ԱՀԿ ֆինանսավորումը դադարեցնելու համար։ Այս մասին հայտնում է Foxs News-ը։
«Համավարակից քաղած դասերն անհրաժեշտ կլինեն արդյունավետորեն հաղթահարելու նմանատիպ մարտահրավերները, քանի որ դրանք կարող են առաջանալ ապագայում։ Հիմա այդ ժամանակը չէ», – հայտարարել է Գուտերեշը։
Գուտերեշը նշել է, որ միջազգային հանրությունը պետք է միասնական լինի և ԱՀԿ-ին ամբողջական աջակցություն ցուցաբերի՝ կորոնավիրուսը և դրա կործանարար հետևանքները հաղթահարելու համար։
Հավելենք, որ երեկ՝ կորոնավիրուսային համավարակի թեմայով հերթական ճեպազրույցի ժամանակ ԱՄՆ նախագահը հայտարարել է, թե իր աշխատակազմին հանձնարարել է դադարեցնել Առողջապահության համաշխարհային կազմակերպության ֆինանսավորումը։ Դոնալդ Թրամփը հայտարարել է, թե ԱՀԿ-ն քաղաքական կոռեկտությունը մարդկային կյանքեր փրկելուց վեր է դասում։ Նրա խոսքով՝ իրականացվելու է 60-90 օր տևողությամբ հետաքննություն՝ պարզելու ԱՀԿ թույլ տված չարաշահումները։
«ԱՄՆ հարկատուները տարեկան 400-500 միլիոն դոլար են հատկացնում ԱՀԿ-ին, մինչդեռ Չինաստանը՝ 40 միլիոն դոլար և նույնիսկ պակաս»,- ասել է Թրամփը։
Հիշեցնենք՝ նախորդ շաբաթ իր ճեպազրույցներից մեկում Դոնալդ Թրամփն անդրադարձել էր այս թեմային՝ հայտարարելով, որ ԱՀԿ-ն չինաստանամետ քաղաքականություն է վարում, ինչի պատճառով ԱՄՆ-ն մտադիր է կրճատել կամ դադարեցնել կազմակերպությանը տրվող ֆինանսավորումը։
Նելլի Մելքոնյան
