14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Գյուղատնտեսական ու պարենային ապրանքների ներմուծումը ԵՏՄ երկրներ 3 ամիս զրոյական մաքսատուրքով կլինի. փոխնախարար. ՏԵՍԱՆՅՈՒԹ
Տնտեսություն
15.04.2020 | 12:32
Հայաստանի կառավարության կողմից նախաձեռնվել էր բժշկական նշանակության ապրանքների և անհատական պաշտպանիչ միջոցների ներմուծման դեպքում զրոյական մաքսատուրք սահմանելու որոշումը։ Դրան զուգահեռ՝ ընդունվել է նաև որոշում, ըստ որի, նաև գյուղատնտեսական նշանակության և պարենային ապահովման ապրանքների ներմուծումը ԵՏՄ անդամ երկրներ կիրականացվի զրոյական մաքսատուրքով։ Այս մասին այսօր հրավիրված ասուլիսին նշեց Էկոնոմիկայի փոխնախարար Վարոս Սիմոնյանը։
Նրա խոսքով՝ բժշկական նշանակության ապրանքների և անհատական պաշտպանիչ միջոցների՝ զրոյական մաքսատուրքով ներմուծման ժամկետը 6 ամիս է, իսկ գյուղատնտեսական նշանակության և պարենային ապահովման ապրանքներինը՝ 3 ամիս։
«Միևնույն ժամանակ, ԵՏՄ անդամ երկրների կողմից ընդունվել է համապատասխան որոշում, ըստ որի՝ այս ապրանքների ներմուծումն իրականացվելու է պարզեցված ընթացակարգով։ Ստուգումներ են իրականացվում միայն անվտանգության տեսանկյունից, ինչը թույլ է տալիս ներմուծման ընթացակարգում ժամանակ խնայել»,- ասաց Էկոնոմիկայի փոխնախարարը։
Մանրամասները՝ տեսանյութում։
Նելլի Մելքոնյան
