Հասարակություն
14.04.2020 | 16:51Շատ ծնողներ այսօր խնդիր ունեն լուծելու՝ երեխայի համար մահճակալ, կեր, տակդիր գնելու գումար է անհրաժեշտ։ Այս մասին այսօր Ազգային ժողովում ունեցած ելույթում ասաց «Իմ քայլը» խմբակցության պատգամավոր Լուսինե Բադալյանը՝ դրական գնահատելով երեխայի ծննդյան միանվագ նպաստը ծնողին ամբողջապես տրամադրելու առաջարկը։
«Այս գումարները պետությունն այդ նպատակով է սկսել տալ։ Այ, երբ մենք այս խնդիրները կարողանանք լուծել, վաղն արդեն կմտածենք մայրական կապիտալի ինստիտուտի վերականգնման մասին»,- նշեց պատգամավորը։
Հիշեցնենք, որ Ազգային ժողովն այսօր քննարկում է «Բարգավաճ Հայաստան» խմբակցության պատգամավոր Միքայել Մելքումյանի կողմից ներկայացված «Պետական նպաստների մասին» օրենքում փոփոխություններ կատարելու մասին նախագիծը։
Մանրամասները՝ տեսանյութում:
