12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Գերմանացիների ծննդականներում երրորդ սեռ կհայտնվի
08.11.2017 | 15:51
Գերմանիայի Սահմանադրական դատարանը հանձնարարել է փաստաթղթերում, ծննդյան վկայականներում երրորդ սեռ ներառել: Գերմանիայի օրենսդրությունում համապատասխան փոփոխությունները պետք է իրականացվեն մինչև 2018թ. ավարտը. հաղորդում է meduza.io-ն՝ հղում անելով Deutsche Welle-ին:
«Սեռի սահմանումն առաջնային նշանակություն ունի: Որպես կանոն, այն առանցքային դեր է կատարում թե անձի ինքնորոշման և թե այլ մարդկանց կողմից ընկալման մեջ: Սահմանադրական դատարանը որոշում է կայացրել պահպանել այն անձանց գենդերային ինքնությունը, ովքեր ոչ տղամարդ, ոչ կին են»,- ասված է դատարանի որոշման մեջ:
Նշվում է, որ Գերմանիայում մոտ 80 հազար նման մարդ կա:
Դատարանի վճռով՝ վկայականներում սեռի երրորդ տարբերակի գրությունը կլինի intersex, «տարբեր» կամ որևէ այլ «դրական բնորոշում»:
