20.01.2026 | 16:29
ԱԺ-ում հայտարարությունների ժամ է. ՈՒՂԻՂ
Համավարակով պայմանավորված «Արմենիա» ավիաընկերությունը, մինչեւ մայիսի 15-ը ներառյալ, չեղարկում է բոլոր կանոնավոր չվերթերը
13.04.2020 | 19:40
Կորոնավիրուսային հիվանդության (COVID-19) հետեւանքով իրադարձությունների զարգացմամբ պայմանավորված՝ «Արմենիա» ավիաընկերությունը, մինչեւ մայիսի 15-ը ներառյալ, չեղարկում է բոլոր կանոնավոր չվերթերը։ Այս մասին հայտարարություն է տարածել «Արմենիա» ավիաընկերությունը։
Հայտարարության մեջ, մասնավորապես, ասվում է.
«Ուշադրություն
Կորոնավիրուսային հիվանդության (COVID-19) հետեւանքով իրադարձությունների զարգացմամբ պայմանավորված՝ «Արմենիա» ավիաընկերությունը, մինչեւ մայիսի 15-ը ներառյալ, չեղարկում է բոլոր կանոնավոր չվերթերը։
Հարգելի ուղեւորներ, հայցում ենք ձեր ներողամտությունը։
Հայտնում ենք, որ չեղարկված չվերթերի բոլոր ուղեւորներին տրամադրվում է երաշխավորագիր (վաուչեր), առ այն, որ չօգտագործված ավիատոմսի գումարը համարվում է սառեցված «Արմենիա» ավիաընկերությունում եւ ենթակա է օգտագործման մինչեւ 2020 թվականի դեպտեմբերի 31-ը»։
