17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ես 1,5 տարի մնացել եմ ԱԱԾ նկուղում, ամեն առավոտ հանել են, ման են տվել․ նստեք իմացեք․ Սասուն Միքայելյան. ՏԵՍԱՆՅՈՒԹ
Հասարակություն
13.04.2020 | 19:01
ԱԺ «Իմ քայլը» խմբակցության պատգամավոր Սասուն Միքայելյանը, անդրադառնալով «Լուսավոր Հայաստան» խմբակցության ղեկավար Էդմոն Մարուքյանի դիտարկմանն այն մասին, որ կալանավորներին զբոսանքի չեն հանում, նշեց. «Պարո՛ն Մարուքյան, ջան ասեմ, ցավ ասեմ, Դուք կալանավայրերից տեղյա՞կ եք, նման բան չի եղել, որ զբոսանքի չհանեն:
«Հենց հիմա նամակ ստացանք, որ չեն հանել»,- ասաց Մարուքյանը:
«Նման բան չկա, ես տարիուկես մնացել եմ Ազգային անվտանգության նկուղում, ամեն առավոտ այն իշխանության օրոք հանել են, ման են տվել»,- ասաց Միքայելյանը:
Խոսակցությանը միջամտեց Նաիրա Զոհրաբյանը՝ մոտենալով Միքայելյանին և բջջային հեռախոսում ինչ-որ բան ցույց տալով:
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
