10.08.2026 | 13:22
Բերման են ենթարկվել մի խումբ անձինք՝ իրենց մեքենաներով հանդերձ. նրանց մոտ հայտնաբերվել են զենքեր
Դեպքերի կրկնապատկման ցիկլը 13 օր է դարձել․ Ավինյան. ՏԵՍԱՆՅՈՒԹ
13.04.2020 | 18:01
Պատգամավոր Արման Բաբաջանյանը ԱԺ հատուկ նիստում հարց ուղղեց ՀՀ պարետ փոխվարչապետ Տիգրան Ավինյանին. «Վերջին չորս օրերի ընթացքում կորոնավիրուսի դեպքերի կրկնապատկման տեմպի ինչ փոփոխություն է եղել»։
«Կրկնապատկման տասնօրյա ցիկլը փոփոխվել է վերջին 4 օրերի ընթացքում և ավելի բարելավվել է: Կրկնապատկման ցիկլը 13 օր է»,- պատասխանեց Ավինյանը։
Պատգամավորը նաև հարցեր ուղղեց ՌԴ տարբեր քաղաքներում գտնվող և Հայաստան վերադառնալու ցանկություն ունեցող ՀՀ քաղաքացիների վերաբերյալ, ևս մեկ հարց էլ՝ արդյո՞ք ՀՀ պարետատունը կապ պահպանում է Արցախի Կառավարության հետ՝ կորոնավիրուսի իրավիճակի հետ կապված։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
