11.06.2026 | 12:34
Նոր ատոմակայանի կառուցման հետ կապված աշխատանքներ ենք իրականացնում, տեսակի ընտրությունը կատարել ենք․ ՏԵՍԱՆՅՈՒԹ
Որոշեցինք՝ բոլոր տվյալները չենք հավաքագրելու, միայն վարակակիրների տվյալներն են հավաքագրվում․ Ավինյան
Քաղաքականություն
13.04.2020 | 17:11
Բոլոր քաղաքացիների տվյալներն օպերատորներից չեն հավաքագրելու որևէ պարագայում, համակարգն աշխատում է միմիայն թիրախավորված։ Այս մասին այսօր հայտարարեց ՀՀ պարետ Տիգրան Ավինյանը։
«Տեղորոշման պրոցեսի հետ կապված ևս մի շատ կարևոր արձանագրում եմ ուզում անել, որովհետև բազմաթիվ շահարկումների աթիռ էր դարձել։ Մենք, այնուամենայնիվ, որոշեցինք, որ բոլոր տվյալները բոլոր օպերատորներից չենք հավաքագրելու որևէ պարագայում, և համակարգն աշխատում է միմիայն թիրախավորված, երբ հաստատվում է վարակակրի վարակակիր լինելու հանգամանքը: Միայն այդ անձանց վերաբերյալ տվյալները տեղափոխվում են ընդհանուր համակարգ, այսինքն՝ գրվել են առանձին ծրագրեր օպերատորների համար, և մենք ամբողջապես ագրեգացված տվյալները չենք հավաքագրում առանձին համակարգում»,- նշեց Ավինյանը։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
