ՀՀ պարետ, փոխվարչապետ Տիգրան Ավինյանը այսօր ԱԺ հատուկ նիստում հույս հայտնեց, որ ԶԼՄ ներկայացուցիչները բավականին օբյեկտիվ են գնահատում իրավիճակը՝ ընդգծելով, որ ռիսկը չեն տեսնում, որ կարող է՝ ակտիվ ապատեղեկատվությւն տարածեն։ Այս մասին ասաց Տիգրան Ավինյանը պատասխանելով ԱԺ «Իմ քայլը» խմբակցության պատգամավոր Համազասպ Դանիելյանի հարցին, թե ո՞ր դեպքում կվերականգնվեն ԶԼՄ-ների նկատմամբ սահմանափակումները։
«Իհարկե, կան այդ կարմիր գծերը, և դրանք, կարծում եմ, արտացոլված էին արտակարգ դրության նախորդ որոշման մեջ, որը վերաբերում էր վարակակիրների տվյալներին, մանիպուլյացիաներին, և դրա համար իսկ այդ սահմանափակումները ներդրված էին»,- մասնավորապես նշեց Ավինյանը։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
