22.01.2026 | 23:13
Կանխատեսվում է նորմայից բարձր ջերմաստիճան. Ազիզյան
Թրամփն ԱՄՆ անունից դիմել է Կիմ Չեն Ընին՝ լավագույն ապագայի առաջարկով
Քաղաքականություն
08.11.2017 | 10:45
ԱՄՆ նախագահ Դոնալդ Թրամփը Հյուսիսային Կորեայի առաջնորդին զգուշացրել է, որ միջուկային զենք ստանալու փորձերը Փհենյանին է՛լ ավելի մեծ սպառնալիքի են ենթարկում. «Քո ղեկավարած երկիրը դրախտ չէ, որը քո պապն է պատկերացրել, այլ դժոխք, սակայն ԱՄՆ-ն պատրաստ է լավագույն ապագա տանող ճանապարհ առաջարկել»,- Կիմ Չեն Ընին դիեմլով ասել է Թրամփը:
«Ես այստեղ՝ այս թերակղզի եմ ժամանել, որպեսզի ուղերձն ուղղակիորեն հասցնեմ բռնապետական Հյուսիսային Կորեայի առաջնորդին: Սպառազինությունը, որը դու փորձում ես ստանալ, քեզ համար մեծ անվտանգություն չի ապահովի, այն քո ռեժիմը մեծ սպառնալիքի տակ է դնում: Քո յուրաքանչյուր քայլը, որ նախաձեռնում ես այս մութ ճանապարհին, սաստկացնում է այն, ինչին հակազդում ես»,- ria.ru-ի փոխանցմամբ ասել է ԱՄՆ նախագահը՝ ելույթ ունենալով Հարավային Կորեայի խորհրդարանում:
«Հյուսիսային Կորեան դրախտ չէ, որը ցանկանում էր կառուցել քո պապը՝ Կիմ Իր Սենը, սա դժոխք է, որին ոչ մի մարդ արժանի չէ»,- ասել է Թրամփը:
Թրամփը հայտարարել է, որ ԱՄՆ-ը, «չնայած քո կատարած յուրաքանչյուր հանցագործությանը, պատրաստ է առաջարկել ավելի լավ ապագա տանող ճանապարհը, սակայն սա հնարավոր է միայն ագրեսիայից ու միջուկային ծրագրից հրաժարվելու, վերջնական և հաստատուն ապանուկլեինացման պայմանի դեպքում»:
