17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Բորիս Ջոնսոնը դուրս է գրվել հիվանդանոցից. խոստովանել է՝ մահվան եզրին է եղել. ՏԱՍՍ
12.04.2020 | 21:27
Մեծ Բրիտանիայի վարչապետ Բորիս Ջոնսոնը դուրս է գրվել է լոնդոնյան հիվանդանոցից, որտեղ բուժում էր ստանում կորոնավիրուսից: Այս մասին հայտնել է բրիտանական կառավարության մամուլի ծառայությունը:
Ջոնսոնի մոտ կորոնավիրուսը հաստատվել էր մարտի 27-ին, սակայնյ նա շարունակել էր հեռակա կատարել վարչապետի պարտականությունները: Ապրիլի 5-ի երեկոյան, սակայն, նրան տեղափոխել էին հիվանդանոց, իսկ հաջորդ օրն արդեն վիճակը վատացել էր: Երեք օր Բորիս Ջոնսոնը վերակենդանացման բաժանմունքում է անցկացրել:
Այսօր Բորիս Ջոնսոնը Twitter-ում հրապարակված տեսաուղերձում տեղեկացրել է, որ մահվան եզրին է եղել, գրում է ՏԱՍՍ-ը:
«Այսօր ես լքեցի հիվանդանոցը՝ այնտեղ անցկացնելով մեկ շաբաթ: Այդ ընթացքում առողջապահության համակարգի աշխատողները, անկասկած, փրկեցին կյանքս»,- ասել է վարչապետը՝ խոստովանելով, որ 48 ժամ շարունակ իր վիճակը ծանր է եղել, իսկ «ելքը՝ անկանխատեսելի»:
Բժիշկների խորհրդով՝ Բորիս Ջոնսոնն առայժմ չի վերադառնա աշխատանքային պարտականությունների կատարմանը:
