24.04.2026 | 23:32
Կապանում ջրանջատում կլինի
Արցախում ապրիլի 14-ի ընտրությունները չեն չեղարկվում. ինչ է նախատեսում ԱՀ Սահմանադրությունը
Քաղաքականություն
12.04.2020 | 19:50
Արցախի Հանրապետության նախագահ Բակո Սահակյանը, ինչպես հայտնի է, այսօր ստորագրել է հրամանագիր՝ Արցախում նոր կորոնավիրուսային հիվանդության տարածման կանխարգելման և կորոնավիրուսի համաճարակի սպառնալիքից բնակչության պաշտպանության նպատակով արտակարգ իրավիճակ հայտարարելու մասին:
Դա, սակայն, որևէ կերպ չի խոչընդոտի ապրիլի 14-ին Արցախում նշանակված նախագահական ընտրությունների երկրորդ փուլի քվեարկության անցկացմանը։
Մասնավորապես, Արցախի Հանրապետության Սահմանադրությունը սահմանում է երեք ռեժիմ՝ Ռազմական դրություն (Հոդված 131), Արտակարգ դրություն (Հոդված 132) և Արտակարգ իրավիճակ (Հոդված 133)։ Նախագահ Բակո Սահակյանը իր համանագրում հղում է անում Սահմանադրության 133 հոդվածին, որի սահմանումը թողնված է «Արտակարգ իրավիճակներում բնակչության պաշտպանության մասին» օրենքի վրա։
Ըստ Արցախի օրենսդրության՝ արտակարգ իրավիճակ հայտարարելիս համապետական ընտրությունները չեն չեղարկվում։ Սահմանադրության ուսումնասիրությունից պարզ է դառնում, որ ընտրությունները չեն չեղարկվում նաև Ռազմական դրության ժամանակ. այդ դեպքերն են՝ Արցախի վրա զինված հարձակումը, դրա անմիջական վտանգի առկայությունը կամ պատերազմը։
Նշենք նաև, որ Արտակարգ իրավիճակի հրամանագիրը Արցախում ուժի մեջ կմտնի ժամը 22։00-ից։
Արտակարգ իրավիճակի իրավական ռեժիմն ապահովող ուժերի եւ միջոցների միասնական ղեկավարումն իրականացնելու նպատակով ստեղծվել է պարետատուն: Պարետ է նշանակվել Արցախի պետական նախարար Գրիգորի Մարտիրոսյանը: Պարետատան կազմում ընդգրկվել են պետական տարբեր մարմինների ղեկավարները: Հրամանագրով սահմանվել են նաև արտակարգ իրավիճակի ժամանակ իրականացվող միջոցառումները և իրավունքների ու ազատությունների ժամանակավոր սահմանափակումները, արտակարգ իրավիճակի իրավական ռեժիմն ապահովող ուժերն ու միջոցները:
