24.04.2026 | 23:32
Կապանում ջրանջատում կլինի
Վիճակը կայունացել է, բայց չի լավացել, կարող ենք ունենալ համաճարակի նոր բռնկում. Նիկոլ Փաշինյան. ՏԵՍԱՆՅՈՒԹ
11.04.2020 | 14:35
Մենք այսօր քննարկել ենք և եկել համոզման, որ անխուսափելի է, որ մենք պետք է ՀՀ-ում արտակարգ դրությունը երկարացնենք: Այս մասին Facebook-ի իր ուղիղ եթերում հայտարարեց ՀՀ վարչապետ Նիկոլ Փաշինյանը:
«Երկուշաբթի կամ երեքշաբթի կառավարությունը կկայացնի որոշում, որից հետո տեղի կունենա ԱԺ հատուկ նիստ, որտեղ կքննարկվի նաև արտակարգ դրության հարցը: Մեր եզրակացությունն այն է, որ անհրաժեշտ է արտակարգ դրությունը երկարացնել, քանի որ դա անհրաժեշտ է վարակի հետագա տարածումը կանխարգելելու համար»,- ասաց նա:
Փաշինյանը պարզաբանեց, որ իրենց խնդիրն է հասնել նրան, որ ունենան միավոր ժամանակաշրջանում հնարավորինս քիչ հիվանդանցության դեպքեր:
«Այն, որ մենք հիմա հիվանդացության համեմատաբար փոքր թիվ ունենք, և գործունեության նոր հնարավորություններ ենք ստեղծում, դա դեռ չի նշանակում, թե մեր վիճակը լավացել է: Ոչ, մեր վիճակը համաճարակային առումով կայունացել է, բայց չի լավացել: Մենք ցանկացած պահի կարող ենք ունենալ հիվանդացության նոր բռնկում, որը մեզ համար ավելի մեծ դժվարություններ կստեղծի: Դրա համար մեզնից յուրաքանչյուրի խնդիրն է ամեն ինչ անել, որպեսզի չվարակվենք կորոնավիրուսով և հետեւաբար չվարակենք նաեւ ուրիշներին»,-ընդգծեց Փաշինյանը:
Մանրմասները՝ տեսանյութում:
Նարեկ Կիրակոսյան
